La bande dessinée "Aleria 1975" désormais en librairie
(A redazzioni d'Alta Frequenza) - Hè arimani, ind'u rughjoni aiaccinu, è oghji in tutta a Corsica è in cuntinenti, ch'ella hè isciuta a prima di dui parti di una figuretta chì si chjama "Aleria 1975". In ss'opara nova, u scenaristu Frédéric Bertocchini hà travaghjatu com'è un ghjurnalistu d'investigazioni postu ch'ellu hà racoltu una decina di tistimunianzi di parsoni chì ani "fattu" Aleria, ind'a cantina Depeille, u 21 è u 22 d'aostu di u 1975. Hè dunqua grazia à tistimunianzi di parsunalità com'è Edmond Simeoni, Ghjuvan Battì Rotilj Forcioli, Petru Poggioli, Pierrot Susini, Léo Battesti, Ghjuvan Carlu Antolini o Ghjacumu Fieschi ch'ellu hè statu custituitu u scenariu. I disegni sò assicurati da Michel Espinosa è i culori da Nuria Sayago. A siconda parti isciarà in libraria pà u veranu chì veni.
Steti à senta u scenaristu Frédéric Bertocchini.
Sur le même sujet
