L'un des services de l'hôpital de Bastia touché par un foyer de COVID-19
Pighjurisci a situazioni in Corsica, par ciò chì tocca à u Covid19.
In un cumunicatu, dici u spidali di Bastia ch’iddu ci hè un puntu di cuntaminazioni in unu di i so sirvizia.
« Una parsona intruta à u spidali hè stata virificata nigativa, ma in fatti era tocca da a malatia, a virifica avendu fattu un falsu nigativu. D’altri asamina ani datu cunfirma di u diagnosticu. Fatta issa virifica, a parsona hè stata uspitalizata in u sirviziu didicatu à u Covid 19. Par sicurità, i malati è parsunala llu sirviziu sò stati cuntrullati cù una virifica RT-PCR.
Eppuri, ben’ch’iddi sichini stati missi in anda i misuri lla sicurità sanitaria pà i spidala, un puntu di cuntaminazioni hè statu idintificatu in issu sirviziu.
I misuri igienichi sò stati rinfurzati da ch’idd’ùn si sparghji l’epidemia. Sò stati distribuiti attrazzi in più pà a prutizzioni individuali (mascari FFP2, vistiti à usu unicu). Tutti i malati di issu sirviziu sò presi in carica in i camari individuali.
Par sicurità, issu sirviziu ùn accuddarà più à nimu par avali. I parsoni chì ci duviani entra sarani presi in carica in l’altri sittori llu stabilimentu. L’evuluzioni lla situazioni hè suvitata da vicinu da a cellula di crisa di u spidali di Bastia ».
Sur le même sujet
