Corsica : a intirdizzioni di fà foca hè avanzata à vennari u 14 di ghjunghju.
Dici a prifittura lla Corsica chì, parvia di u tempu privistu da Meteò france – crescita maiori di i timpiraturi (sinu à 38° in certi loca), parcintuali d’umidità bassu parvia d’un effettu di foehn à Punenti – a intirdizzioni di fà foca hè avanzata à vennari u 14 di ghjunghju.
I foca, è particularmenti i dibbieri, sò dunqua difesi in tutta in Corsica, sinu à u 30 di sittembri.
In issu mentri, hè dunqua difesa di piccià arba, di fà foca in campagna, o ancu di ghjuvà si di brasgeri. Ben’intesa, hè difesa d’accenda foca pà issi machji è furesti. À chì ùn rispetta l’intirdizzioni ingagia a so rispunsabilità civili, è pò ancu essa purtatu in ghjustizia.
Sur le même sujet
