L’Exécutif de Corse se prononce pour un report de la rentrée scolaire en septembre
Issendu si riunitu marti, u Cunsigliu Esecutivu lla Corsica hà dichjaratu ch’iddu era par attimpà a riintruta lli scoli à sittembri. Ramintemu chì a Cullittività di Corsica hè prupriitaria di i bastimenta llu sicondu gradu.
A maiurità tarrituriali hà parlatu dinò cù i merra, chì t’ani a stessa rispunsabilità pà u primu gradu.
I cundizioni sanitarii ùn ci sò oghji, da pudè ripiddà in sicurità quant’iddu ci vurria.
Issa dicisioni si hè fatta in cuncirtazioni cù l’associ di parenti, i sindicata d’insignanti, l’agenti è i capistabilimenti.
Dumani, l’esecutivu hà da prisintà a so pruposta à l’Assemblea di Corsica, è à tempu, hà da dumandà ch’idda sichi missa in anda una cumissioni, da appruntà a riintruta di sittembri.
Steti à senta à Josépha Giacometti.
Intantu, com’è vo’ l’eti intesa, mezi impurtanti sarani dati da aiutà elevi è famiddi.
A cunsigliera esecutiva i ci spieca è prisenta.
L’esecutivu lla Corsica hà ancu datu u so parè pà l’apartura lli ciucciaghji.
Steti à senta à Josepha Giacometti.
Da fà issa scelta di l’attimpata, l’esecutivu si hè arrimbatu à studii fatti in l’Auropa. In parichji paesa, u primu scunfinamentu ùn si hè fattu in i scoli. In quantu à Corsica, li tocca, à idda dinò, à invintà un mudellu adattu à u so tarritoriu.
Steti à senta à Josépha Giacometti.
