L'EFS lance un appel aux donneurs du groupe sanguin O négatif
U stabilimentu Francesu llu Sangu Corsica è Maritarraniu chjama dinò aiutu :
« dipoi parichji sittimani, hè calata a fraquintazioni di i loca di racolta. Glubalmenti, i pruvisti in sangu sò stabili, ma hè calatu u numaru di i sacchetti di gruppu O, masimu di O nigativu ».
Si capisci l’affari, chì issu grupu O nigativu hè quiddu di l’urgenza, ed hè dunqua ricircatu, postu ch’iddu si pò dà à ugni parsona (cacciatu calchì casu accizziunali), qual’ch’iddu sichi u so gruppu.
Ghjova à veru in casu d’urgenza issu gruppu, chì si pò dà ancu senza cunnoscia quiddu di a parsona chì u ricevi.
I parsoni d’issu gruppu, inveci, ùn poni riceva chè u soiu : una cosa andendu cù l’altra, i pruvisti d’issa catiguria calani è sò più bassi chè quidd’altri.
Ad oghji, à liveddu llu stabilimentu Francesu llu Sangu Corsica è Maritarraniu, ùn sò più chè 350 i sacchetti di O nigativu, da suttu dunqua à a limita critica, difinita à 365.