L'avenir politique de la Corse en débat aux Ghjurnate Internaziunali di Corti
(A redazzioni d'Alta Frequenza) - Hè unu di l'evenimenti pulitichi tradiziunali di l'istati : i Ghjurnati Internaziunali di Corti sarani urganizati sabbatu è dumenica. da Corsica Libera è l'Associu Sulidarità. A Catalogna, a Sardegna, u Paesi Bascu, a Sicilia è a Palistina sarani raprisintati da dilegazioni chì participarani par asempiu à sfarenti dibattiti u sabbatu. À u prugramma par asempiu, dibattiti annant'à i prucedimenti d'autodeterminazioni in Auropa, annant'à a situazioni in Palistina, ma dinò annant'à a prublematica di i prighjuneri pulitichi. A dumenica, i scambii sarani com'è sempri cuncintrati annant'à i quistioni corsi, cù quist'annu à u primu pianu u prucedimentu di riforma istituziunali, l'analisi di l'ultima dichjarazioni di u FLNC è i perspettivi pulitichi d'avvena. Parechji eletti tarrituriali di a manca prugressista sarani invitati, vali à dì Emmanuelle de Gentili, Jean Charles Orsucci, Pierre Ghionga, Jean Baptiste Luccioni, Pierre Chaubon, o ancu pà a diritta ditta cursista Jean Martin Mondoloni.
Steti à senta à François Sargentini pà Corsica Libera.
