L'Autorité de la concurrence en déplacement en Corse le mois prochain
Ùn era chè voci chì curria, ma l’affari hè cunfirmatu : l’auturità lla cuncurrenza hà da vena in Corsica u mesi ch’entri. L’ochji, u purtarà à i carburanti, à a gran’distribuzioni, à i rumenzuli è à u trasportu marittimu. In a diligazioni ci sarani Fabienne Siredey-Garnier, a vici prisidenti, Stanislas Martin, u rapurtadori ginirali, Thomas Piquereau, u rapurtadori ginirali aghjuntu, è parichji rapurtadori di i sirvizii di struzzioni.
Sò privisti scontri cù l’eletti, i capi d’impresi, u mondu assuciativu, i sindicati, a prifittura è i sirvizii llu statu, da pudè parlà di u funziunamentu lla cuncurrenza in Corsica.
In fin’di contu, duvaria essa datu un avvisu à a fini lla prima trimisata llu 2020. Ghjuvarà da « diagnosticu lla situazioni lla cuncurrenza in certi sittori di primura », ma pirmittarà dinò di dà « qualchì ricumandazioni adatti à un sviluppu bilanciatu di l’ecunumia isulana, da lià binifizii pà i impresi è crescita llu puteri lla comprita pà i cunsumatori corsi ».
