L'autonomie de la Corse parfaitement compatible avec la constitution française selon un rapport de l'Assemblée de Corse
À a vighjilia di una riunioni nova trà u guvernu francesu è l’eletti di a Corsica, didicata ufficialmenti à a prublimatica di u fundariu, a cumissioni di i cumpitenzi lighjislativi è rigulamintarii pà l’evuluzioni statutaria lla Corsica hà rimissu u so raportu, chì tratta di u statutu d’autunumia.
Issu ducumentu, chì curri par 101 pagini, hè statu prisintatu da Romain Colonna, u prisidenti lla cumissioni.
Ci hè missu in risaltu u fattu chì à liveddu lighjislativu, ch’idda sichi pà a francia o pà l’Auropa, ùn ci n’hè à veru ustaculu ughjittivu è matiriali à uppona à un’autunumia di a Corsica. Issu raportu s’arremba principalmenti à l’esempiu di l’autunumia caliduniana.
Par Romain Colonna, ùn ci n’hè spiicazioni altri chè pulitichi à i famosi « ligni russi » upposti par avali da u guvernu francesu.
Steti à senta à Romain Colonna.
In suttu, certi dicini chì u guvernu ùn hà nè vodda nè vulintà di fà una discussioni pulitica innanzi à quidda di u fundariu.
Ma par Gilles Simeoni, ùn ci hè arti di sfrancà si ni.
Pà u prisidenti di l’esecutivu, u guvernu devi dà calchì guaranzia toccu marcuri, par signalà a so vulintà d’avanzà versu un’autunumia di a Corsica.
Hè ora, à senta lu, d’escia ni cù issa via chivi, a sola degna.
Ma a riunioni pudaria essa tesa, masimu parvia di i cunclusioni fatti da l’agenzi guvirnamintali, par ciò chì tocca à a spiculazioni.
Steti à senta à Gilles Simeoni.
Sur le même sujet
