L'Associu Sulidarità demande à être reçue par François Hollande lors de sa venue en Corse
(A redazzioni d'Alta Frequenza) - Mentri chì u Presidenti di a Republica, François Hollande, duvaria essa ssu ghjovi in visita in Corsica, l'Associu Sulidarità faci cunnoscia u so parè in un cumunicatu. Dumanda à essa ricivutu da u Presidenti o da i so cunsighjeri, par amintà u cartulari difficiuli di u FIJAIT, a scheda ghjudiziaria naziunali autumatizata di l'autori d'infrazzioni tarruristi, chì metti à u listessu nivellu i patriotti corsi è i djihadisti, eppo quilli di l'avvicinamentu di i prighjuneri pulitichi in a prighjoni di Borgu, a prublematica di l'accunciamenti di i cundanni, ma dinò a situazioni di i ricircati è di sicuru l'annistia. L'Associu Sulidarità faci sapè chì in u listessu filu, mandarà à tutti i candidati à a prisidinziali una lettara da fà ch'elli fessini cunnoscia di manera chjara a so pusizioni.
