L'ARS de Corse dévoile son plan estival 2023
L’agenza righjunali lla saluta hà prisintatu marcuri u so pianu pà a statina llu 2023.
A dirittrici di l’ARS hà lampatu subitu una chjama à i midicanti libarali, da ch’iddi venghini à rinfurzà i sirvizia di l’urgenzi, chì par avali ùn ani ancu cumplittatu tutti i so guardii, masimu pà u periudu chì curri da u 15 di luddu à u 15 d’austu.
Marie-Hélène Lecenne hà ancu lampatu una chjama à l’usuaghji, da ch’iddi chjamini u 15 innanzi d’andà à l’urgenzi lli spidala, ch’iddi poschini avè cunsiglia è dirittivi adatti à ugni situazioni.
L’ARS infini vol’fà opara di privinzioni, da ch’iddi si sfranchini quant’iddu si pò i patulugii è accidenti liati à i vacanzi è à u periudu d’istati.
Steti à senta à Marie-Hélène Lecenne, a dirittrici di l’ARS lla Corsica.
Sur le même sujet
