L'ARS assure avoir trouvé des solutions pour un bon fonctionnement du centre hospitalier de Bastia en cette période estivale
Dopu à parichji sittimani di cuncirtazioni, l’ARS di a Corsica hà dittu ch’idda hà trovu i misuri boni da assicurà u funziunamentu llu spidali di Bastia pà issa statina.
Hè stata rinfurzata l’urganisazioni di l’urgenzi, mittindu in anda ligni di guardia è d’ublichi di prisenza in più, notti è ghjornu.
Ci sarani risorzi umani in più, da rinfurzà i squadri midicali è di cura.
Sò stati rinfurzati dinò l’urganisazioni di u SAMU/SMUR, cù a missa in anda d’una ligna apposta pà l’EVASAN, è a rigulazioni di a pirmanenza lli trattamenti di ghjornu, cù a ghjunta d’assistanti di rigulazioni pà a statina.
Infini, da ùn pisà à nantu à l’urganisazioni d’issi risorzi umani medicali è paramedicali, a dirizzioni llu spidali hà assistatu pà u meddu i spartitempi : ad avali, i spartitempi di i guardii sò aghjà assicurati à 95 %.
