L'appel aux grévistes de la faim
(A redazzioni d'Alta Frequenza) - I dodici prima firmatori di a chjama "Pour une justice sereine et équitable" lampani una chjama à i grevisti di a fami, chì vani contr'à a JIRS. "Ci sò omi chì sò in greva di a fami dipoi parechji settimani. Dinunziani a ghjustizia d'eccezzioni". "Certi, inde l'azzioni dipoi 45 o 52 ghjorni sò in periculu" dici u cumunicatu. Di colpu, i raprisintanti di u cullettivu "dumandani cù forza à i grevisti di a fami di piantà a so azzioni" pricisendu à i grevisti "chì a so azzioni curaghjosa ùn hè stata vana, ch'ella hà svighjata cuscenzi". "Insemi, saparemi truvà altri vii da cumbatta l'arbitrariu. Oramai, contr'à a ghjustizia d'eccezzioni, nienti sarà com'è prima" compiini i firmadori.
Sur le même sujet
