L'Albore, fruttu puru è sinceru di Cirnese
(Michaël Andreani - Alta Frequenza) - U gruppu Cirnese, creatu trè anni fà, è cumpostu di ghjovani corsi trà 19 è 25 anni, hà fattu escia u so primu dischettu calchì settimana fà, « L’Albore ». Avendu principiatu catendu ripresi di canzoni corsi, pà issi lochi curtinesi o bastiacci, fendu ancu a prima parti d’I Muvrini annu fà, issu gruppu d’amichi s’hè lanciatu oramai ind’a scrittura è a cumpusizioni. Un bisognu forti di cantà l’amori di a so terra è di fà passà un missaghju forti è sinceru à a ghjuventù. Mischjendu tradizioni è mudernità, testi sinsibuli è sunurità bè ammaistrati, « L’Albore » incanta, una scumessa riisciuta pà un’intrata ind’u paisaghju musicali isulanu.
Stemi à senta à Jean-Laurent Massey, pà u gruppu Cirnese.
Sur le même sujet
