L'Afrique du Sud, championne du monde en titre de rugby à XV, viendra préparer la Coupe du Monde en Corse fin août
A Corsica, à so manera, hà da participà à a Cuppa di u mondu di Rugby, chì si farà d’uttrovi in francia.
Dopu à parichji anni di travaddu, è malgradu i cambiamenta in u cummitatu d’urganisazioni lla cumpitizioni, a Liga Corsa hè riisciuta à fà vena i Springboks, i campioni di u mondu Sud Africani, pà u so staziu d’innanzi à a cuppa.
Da u 26 d’austu à u dui di sittembri, s’ani da appruntà in Biguglia è ani da participà à parichji attività.
Ùn ani dumandatu chè un affari, i Springboks : andà à u riscontru di ziteddi tocchi da infirmità mentri u so sughjornu.
Par Jean-Simon Savelli, u prisidenti lla Liga Corsa di Rugby, riceva issa squadra hè una sfida è un onori, chì hà da permetta à u rugby corsu di crescia.
Ramintemu ch’innanzi à a cuppa di u mondu di u 2007, in francia sempri, erani ghjunti i All Blacks di Nova Zilanda à appruntà si in Corsica.
Steti à senta à Jean-Simon Savelli.
Pà a cumuna di Biguglia dinò, si tratta d’una sfida : u tarrenu d’addistramentu di rugby hè in traccia d’escia da a tarra, in cori à u campu di i cursi.
Issa ghjunta di i Sud Africani hè vista com’è una bedda pussibilità di fà valè a cumuna è a so pulitica spurtiva.
Steti à senta à Patrick Gigon, aghjuntu à i sport di a cumuna di Biguglia.