L'addiction chez les femmes, une réalité souvent invisible
(A redazzioni d'Alta Frequenza) - Ssu ghjovi, c'era una cunfarenza maiò in Bastia annant'à u tema di i dipindenzi ind'è i donni. Guasgi centu parsoni ani participatu à ssa cunfarenza, cù medichi è ghjurnalisti spicializati in u duminiu chì ani presu a parolla è scurticatu i meccanisimi di i dipindenzi ind'è i donni. Parchì oghji, à u cuntrariu di ciò ch'elli pudariani creda certi, a Corsica ùn hè micca à l'ascosu di ssi fenomeni. Donni di più in più numarosi sò tocchi da prublemi d'alcoolisimu o di tossicumania, senza cuntà a dipindenza à a sigaretta chì, s'ella hè cunnisciuta di più è adimessa, ferma malgradu tuttu una dipindenza. Suventi, ssi dipindenzi poni essa liati à evenimenti difficiuli accaduti duranti a zittellina o l'adulescenza, com'è viulenzi fisichi, psichichi, o ancu, ind'u peghju di i casi, sessuali. Unu di i missaghji essendu dinò di dì chì una donna vittima di dipindenza ùn hè micca una mamma gattiva o una donna faciuli, com'è certi a pudariani pinsà, ma prima di tuttu è soprattuttu una vittima.
Steti à senta à Dominique Nadaud, dilegata dipartimintali à a Missioni à i Diritti di i Donni è à l'Ugualità.
Sur le même sujet
