L'ACA réagit après la sanction de la Commission de Discipline de la LFP
Intesa a dicisioni di a LFP - presa in seguitu à i incidenti di u scontru ACA-Bordeaux di luni – d’impona à l’ACA, à titulu cunsirvatoriu, d’ùn riceva publicu à u stadiu François Coty aspittendu l’audienza llu sei di sittembri, a squadra aiaccina hà fattu un cumunicatu.
Pidda nota di a dicisioni presa ma si stona ch’idda sichi data a sintenza, quandu chì unu struttori hè statu sceltu da permetta à a cumissioni di difinì i rispunsabilità di i prutagunisti, è ch’idda curri sempri a inchiesta ghjudiziaria aparta da a pracura d’Aiacciu.
L’ACA cunsidarighja tandu chì issa misura cunsirvatoria t’hà a sumidda d’una sintenza difinitiva.
A squadra si stona chì a cumissioni ùn achi presu nisciun’misura cunsirvatoria contru à Bordeaux, quandu chì, malgradu a intardizzioni prifitturali di dispiazzamentu lli so sustinitori, parichji di i so «ultras » sò intruti in u stadiu issendu si intesi capu nanzi, ciò chì hà impiditu à a squadra chì ricivia d’urganizà, com’è di solitu, a spiccanza è a sicurisazioni di i gruppi di sustinitori ».
Ramintemu chì u scontru ACA-Dunkerque si hà da ghjucà senza publicu in principiu di sittembri.
