L'AC Ajaccio exclu des championnats nationaux par la DNCG
Si cuntinuvighja a falata in infernu di l’AC Aiacciu, ma issa volta, i sustinidori è uni pochi di cumpunenti di a squadra a s’aspittaiani.
Ùn avendu cunvintu, una volta di più, a DNCG, a squadra aiaccina hè stata sclusa da i cumpitizioni naziunali.
U ballonu prufiziunali hè dunqua mortu in Aiacciu, ed hè finitu ancu u centru di furmazioni.
I ghjucadori chì t’aviani un cuntrattu sò libari d’ingagià si in altrù.
È cusì n’hè ancu pà i ghjovani di u centru di furmazioni.
L’audizioni hè stata sta mani, in parti in visiocunfarenza è – ma quissa si sapia dighjà – si hè mal passata pà a squadra aiaccina, chì com’è l’altri volti ùn n’hà purtatu à bastanza, guaranzii.
Ma ùn hè mancu sicuru ch’iddu sichi finitu l’affari : a squadra t’hà a pussibilità di dichjarà u bancarottu di a SAS è di fà appellu d’issa dicisioni. Par quissa, devi aspittà a nutificazioni ufficiali chì duvaria ghjunghja issu ghjovi, u quattordici d’austu.
Si senti dì - ma cunfirma ùn si n’hà – ch’iddu pudaria essa appruntatu è purtatu issa volta da l’associu ACA un bughjettu da pudè riparta à liveddu di a riserva, vali à dì a Naziunali 3, è ancu in U19 è U17 naziunali pà i squadri di ghjovani.
Ma par avali, issu scinariu ùn hè chè incerta ipotesi.
Sur le même sujet
