Justice : Jacques Mariani condamné à 7 ans d'emprisonnement
(A redazzioni d'Alta Frequenza) - U tribunali currezziunali di Marseghja hà resu a so dicisioni oghji (marcuri) ind'u quadru di u prucessu di Jacques Mariani. Iss'ultimu passava davanti à a ghjustizia calchì ghjornu fà ind'un affari d'arrubbecci di soldi pinsatu ver di stabilimenti di notti d'Ecchisi. Jacques Mariani hè statu cundannatu à 7 anni di prighjò. Una cundanna in leia cù i dumandi di u ministeru publicu, cù un'amendu di 100 000 auri. A so moghja hè stata cundannata à 18 mesi di prighjò frà i quali 12 di modu attimpatu è 70 000 auri d'amenda. Cundanni di prighjò andendu da l'attimpatu à 3 anni sottu à i marchjoni, cù a mità attimpata, sò stati prununziati ver di i setti altri accusati, com'è amendi fin'è 30 000 auri.
