Journée sanglante en Corse : trois personnes, dont une fillette, blessées par balles à Ajaccio ce soir
Journée sanglante en Corse : trois personnes blessées par balles à Ajaccio ce soir
(A redazzioni d'Alta Frequenza) - Hè una ghjurnata particularmenti fosca ch'ella hà cunisciutu a Corsica oghji (marti). Dopu à l'assassinii di Casalta (Corsica Suprana) è di Prupià (Corsica Suttana, veda altra breva), duva dui intrapenadori sò stati tombi, una fucilata s'hè fatta senta in Aiacciu in principiu di sirata, versu 6 ori è 45. Una decina di colpi di grossu calibru hà ribumbatu. I spinghjifochi nè i servizii di pulizza è di succorsu sò sopralocu da fà i primi custatazioni. Un omu, ma dinò a so moghja è a so fighjola sò stati attaccati è sariani feriti. I fatti sò accaduti ind'un immobulu sopra à u carrughju Rossi, quartieri Balestrinu. Una mamma è a so fighjola di una decina d'anni sò stati tocchi da palli. Pari chì u babbu, Yves Manunta, sia statu toccu anch'ellu. Thomas Pison hè ghjuntu ghjustu avà sopralocu, duva un perimetru di securità hè statu missu in ballu. Pà ciò chì tocca à a saluta di i vittimi, hè difficiuli di prununzià si par avà. A zitella saria appena ferita, a mamma di modu più gravi.
