Journée d’interventions pour les Sauveteurs en Mer du Valinco
Hè stata ghjurnata d’intarventu, arimani, pà i Salvadori à Mari di u Vaddincu.
I squadri di succorsu di u Centru SNSM di Prupià è u patrugliori di Surviglianza è salvamentu SNSM di u Vaddincu sò stati sullicitati in parichji volti, à mari è à nantu à u litturali.
In prima matinata, rispundindu à una dumanda di u CROSS, i salvadori ani purtatu succorsu à una navi à veli di dodici metra ch’avia un dannu, à u largu di u portu di Prupià.
I quattru parsoni à bordu sò stati presi in carica subitu, è purtati salvi è in saluta in tarra. A battellu hè statu sicurizatu è carriatu cù a navi di salvamentu SNS 7-012, da fà ch’idd’ùn isvii o ch’idd’ùn achi un altru accidenti.
In principiu di sittimana, à a dumanda di u CODIS 2A, u Patrugliori di Surviglianza è salvamentu di u Vaddincu hè hè statu ingagiatu in urgenza in marina di Cala d’Orzu, à nantu à a cumuna di, da purtà succorsu à una parsona chì si hè intesa mali, cù dulori in pettu.
À tempu à u Patrugliori, hè statu ingagiatu un VSAV di u CIS di a Pitrusedda.
Ghjunti prestu supr’à locu, è parvia di a pessima situazioni clinica, i succorsi ani dumandatu l’aiutu di l’elicottaru Dragon. L’eliccotaru midicalizatu da u SAMU 2A hà presu in carica a vittima, da purtà la in furia versu u sirviziu di l’urgenzi di u spidali d’Aiacciu.
