Journée Cross et solidarité à Ajaccio: pari gagné !
(A redazzioni d'Alta Frequenza) - Scumessa riisciuta pà u Team Kevin Racing chì prupunia ssa dumenica nant'à u tarrenu di Cross di Sant'Antone in Aiacciu un staziu di motò cross d'85 è più. Più di sissanti piloti ani participatu à u staziu animatu da Michaël Pisano è Michel Marchini. Da nutà a participazioni di u ghjovanu campioni isulanu in motocross Christophe Charlier è di Julien Dussolier. Più di 400 parsoni erani prisenti à l'uccasioni di ss'avenimentu. A vendita è a tombula avarani parmissu di racoglia i soldi nicisarii pà cumpà un futagliu spicializatu à Kevin, ghjuvanottu toccu da un atrufia cerebrali impurtanti è paralizatu dipoi ch'ellu hè chjucu. Ssi soldi sò stati dati à l'associu Kevin Petit Diablotin.
Sur le même sujet
