Journée conviviale et festive le 25 mars prochain à Afà au profit d'Inseme per Laurina
(A redazzioni d'Alta Frequenza) - Una ghjurnata di cunvivialità è di festa pà sustena l'associu La Lune Rouge – Inseme per Laurina sarà urganizata u sabbatu u 25 di marzu à 11 ori è mezu nant'à u stadiu d'Afà, cù u sustegnu frà altru di l'amicali di l'anziani di u GFCA. Partiti di ballò, sfilarata di moda, mostri di ballu, cuncertu di canti corsi, tuttu què di sicuru cù da chì bia è magnà sopralocu, tuttu hè fattu par ch'ellu fussi riisciutu ss'evenimentu. I soldi racolti pà l'uccasioni sarani virsati à l'associu chì aiuta à Laurina, 4 anni, à l'uspidali di a Timone in Marseghja dipoi u mesi di ghjinnaghju è chì si batti contr'à a malatia.
Steti à senta à Jean Jules Miniconi, u presidenti di l'amicali di l'anziani di u GFCA, chì participeghja à ss'evenimentu.
Sur le même sujet
