Jeunesse corse : partir pour mieux revenir ?
(A redazzioni d'Alta Frequenza) - Parta, hè mora appena, ma hè arricchisciasi dinò, in tutti i casi à u nivellu intelettuali ! Hè cù ssu filu ch'ellu c'hè statu in Aiacciu u salonu di a mubilità internaziunali. Distinata à i 16-32 anni è què in u quadru di l'uparazioni "Mobighjovani", ssa manifistazioni hà parmissu di lancià u situ "mobighjovani.corsica". Ssu situ internet didicatu à a mubilità di i ghjovani t'hà com'è scopu di dà à i ghjovani corsi accessu à l'infurmazioni è di renda più faciuli l'urientazioni ver di dispusitivi di mubilità internaziunali. Criticata duranti un pezzu da i muvimenti autunumisti è naziunalisti, a partenza di i ghjovani ver d'altri celi hè oghji incuraghjita assai; parchì ?
Eccu ciò ch'è no emi dumandatu à Ghjuvan Guidu Talamoni, u presidenti di l'assemblea di Corsica.
