Jérôme Cahuzac médecin généraliste en Corse ?
(A ridazzioni d'Alta Frequenza) - Jérôme Cahuzac, l’anzianu ministru diligatu à u bugettu, ch’era statu cundannatu di maghju pà arrubbeghju fiscali, si vurria stallà in Corsica, da medicu giniralistu. Spicializatu in la chirurgia lli capiddi, Jérôme Cahuzac, d’età 66 anni, vurria dunqua cambià vita in Corsica. Ben’ch’iddu si sichi ufficialmenti missu in ritirata annu, dopu à i so pinsera cù a ghjustizia, si pudaria stallà in Corsica. Ma par avali, un medicu pariginu hà dicisu di fà ni appellu à u so Ordini, da uppona si à issa dimarchja. L’avucatu Dupont-Moretti, chì difendi l’anzianu ministru, dici chì certi sò accaniti contru à u so clienti, è si dumanda « chì raportu ci pudarà essa trà l’arrubbeghju fiscali è a midicina »... Un affari ch’ùn hè ancu à compia...
Sur le même sujet
