Jean-Michel Seni expulsé du domaine de Rovani
(A redazzioni d'Alta Frequenza) - Jean Michel Seni, chì sfruttava u duminiu di Rovani in Coghja (Corsica Suttana) hè statu spulsatu stamani (luni) cù a so famighja, cacciati da guardii mubili. Un affari chì faci parlà d'ellu dipoi parechji anni è chì hè ghjuntu dunqua à u so scopu finali ssu luni. Di maghju scorsu, u prifettu di Corsica avia mandatu à a famighja Seni un arrestu di spulsioni scrittu da a corti d'appellu. À u principiu di lugliu, Jean Michel Seni avia dumandatu a suspensioni di ssa dicisioni, calcosa chì l'era statu ricusatu tandu da u ghjudici. Da nutà chì a spulsioni hè stata ritardata da manifestanti chì ani bluccatu a strada dopu avè taghjatu arburi è avè ci ghjittatu pneus, rindendu l'accessu à Coghja propiu difficiuli.
Sur le même sujet
