Jean-Joseph Allegrini-Simonetti réélu maire de l'Île-Rousse
(A redazzioni d'Alta Frequenza) - U risultatu hè statu assai strintu, ma in una municipali parziali cù una participazioni staurdinaria di 92,91%, hè Jean Joseph Allegrini Simonetti, l’ultimu merri, chì hè statu elettu torna merri di Lisula contr’à Hyacinthe Mattei cù un scartu di 110 voti, vali à dì 33 di più di pettu à marzu di u 2014, induva l’alizzioni era stata annulata par via d’irregularità inde l’uparazioni di votu. In tuttu, Jean Joseph Allegrini Simonetti hà racoltu 1182 voti contr’à 1072 pà Hyacinthe Mattei. Ferma à sapè oramai comu a cità s’hà da rimetta di una seria eletturali chì avarà inghjinnatu rincori putenti trà i dui parti.
