Jean-Guy Talamoni souhaite créer un comité de préfiguration du déconfinement en Corse
Jean-Guy Talamoni, u prisidenti di l’Assemblea di Corsica, hà publicatu un raportu ind’iddu spieca ch’iddu vurria metta in andà un cumitatu, da fà l’antivista llu scunfinamentu in Corsica.
Jean-Guy Talamoni ùn la trova tanta sinnata, issa vulintà di scunfinà si u 11 di maghju, masimu chì i sbagli sò accirtati in a gistioni di i primi ghjorna lla crisa in Corsica. Masimu dinò chì, dopu à a dichjarazioni llu prisidenti francesu, ùn sò mancati i cuntradizzioni in i parolli di i so ministri.
Par tutti iss’affari, vurria chì i dicisioni di u scunfinamentu pà a Corsica sichini presi da issu cumitatu. À cumpona lu, sariani u prisidenti di l’assemblea di Corsica, u prisidenti di l’esecutivu, i prisidenti di i gruppi, u prisidenti llu CESEC, riprisintenti di l’URPS, di l’Università, di l’Ordini di i Medichi, di l’Associu Corsu di a Saluta, è un vici prisidenti di l’assemblea di a ghjuvantù.
