Jean-François Copé était à Biguglia ce week-end
(A redazzioni d'Alta Frequenza) - U presidenti di l'UMP, Jean François Copé, hà cuminciatu u so ghjiru di Francia eletturali di parechji settimani in Biguglia, cumuna di u so amicu diputatu merri Sauveur Gandolfi Scheit. U scopu di issu ghjiru hè assai chjaru : mubilizà i membri di l'UMP nant'à u tarrenu pà parta u più armatu pussibuli nant'à u tarrenu di i municipali pà tena i cumuni à diritta, ma dinò di buscà ni certi di a maghjurità prisidinziali è di i so amichi. Bastia è Aiacciu facini dunqua parti di i scopi vulsuti da l'UMP. U leader di l'UMP hà fattu una critica assai forti contr'à u travaghju di u guvernu attuali nant'à tematichi assai naziunali, ammintendu solu appinuccia a quistioni istituziunali è a gistioni di u cartulari di a viulenza pà ciò chì tocca à a Corsica. Hà lacatu a parolla à i so diputati isulani nant'à a lingua Corsa, mentri chì nant'à u cartulari di l'aparturi di i ligni maritimi naziunali à battelli di bandera stragnera, vutatu eppuru sta settimana ind'u palazzu Bourbon, Jean François Copé ùn hà micca vulsutu sprima si, ammaistrendu micca abbastanza u cartulari sicondu ellu.
Le dessin de presse de Julien Osty.
On écoute Jean-François Copé.
Sur le même sujet
