Jean Castex : notre objectif est de tout faire pour éviter un nouveau reconfinement généralisé
U primu ministru francesu jean castex, u ministru di l’Aducazioni è quiddu lla saluta ani datu una cunfarenza di stampa ghjovi matina, da fà u puntu à nantu à a crisa sanitaria, u dopu ghjornu di l’annunziu di 5300 casi novi di Covid in francia.
« Ni semu à un mumentu ch’idda cresci l’epidemia » hà dittu u primu ministru.
« Ricodda pianu pianu u numaru di i malati,… è u siscu avanza in ugni locu llu tarritoriu francesu ».
« Affacca sittembri, è vurriami chì a ripresa sichi larga quant’iddu si pò, in un quadru sicurizatu. U nosciu duveri hè di priveda ugni ipotesi. Sò ancu pronti piani di ricunfinamentu, tarrituriali o glubali, diretti da u ministeru lla saluta. U nosciu sistemu di saluta hè prontu à cunfruntà si à una crescita lli malati. Ma u nosciu ughjittivu hè di metta tuttu in anda da sfrancà ci la di un cunfinamentu giniralizatu », hà dittu jean castex, lampendu una chjama nova à a rispunsabilisazioni. U primu ministru hà dumandatu ch’iddi sichini rinfurzati i cuntrolli par tuttu u tarritoriu, da fà rispittà i reguli.
Stemu à senta unu strattu llu so intarventu.
