Jacky Rossi nous a quittés
Si n’hè andatu à l’Eternu Jacky Rossi.
A nova hà intristitu à veru a sucità corsa tutta, u mondu sindicali è quiddu puliticu.
Militanti naziunalistu è sindicalistu di prima trinca, Jacky avia cunsacratu a so vita à a difesa di i dritti. « Da sicritariu ginirali di u STC, Jacky Rossi hè statu un simbulu maiori di u sindicalismu corsu, un omu di cunvizzioni, di curaghju è di fideltà à i valori fundamintali di a noscia lutta.
Jacky ùn era solu un dirigenti, era un mudellu, un puntu di rifirimentu pà tanti ginirazioni di sindicalisti chì ani trovu cù iddu un esempiu d’impegnu, di rigori è d’umanità. A so voci purtaia chì iscia da u cori, è i so lutti erani sempri purtati da a dignità è a ditarminazioni », dici u so sindicatu da renda li umaghju.
Oghji, a Corsica perdi unu di i so fiddoli, vulintariu è ditarminatu, ma ancu una mimoria è una cuscenza
Alta Frequenza prisenta i so dulianzi sinceri à i soi, à a so famidda tutta.
Riposa in paci, o amicu.
Sur le même sujet
