IRM : inquiétudes du Collectif Per a Salute in Piaghja Urientale après un rapport de l'ARS
(A redazzioni d'Alta Frequenza) - U Cullittivu Per a Salute in Piaghja Urientale urganizava una cunfarenza di stampa ssu luni in A Ghisunaccia. Una cumunicazioni à a vigilia d'una cummissioni spicializata pà l'urganisazioni di i curi (CSOS) chì duvarà dà u so avisu ssu marti nant'à l'esistenza o micca d'un bisognu eccezziunali d'IRM in piaghja urientali. Di l'avisu resu da ssa CSOS dipindarà a missa in ballu di a prucedura di stallazioni di ss'ecchippamentu. Ssu luni, u cullittivu vulia dà pricisioni, ma dinò cuntistà certi cunclusioni di u raportu di l'Agenza Regiunali di a Saluta ch'ellu qualificheghja di "micca cumplettu è soprattuttu d'assai parziali di pettu à a situazioni vera di u tarritoriu". Pudaria rimetta in causa d'una manera seria u prughjettu ?
Steti à senta à Esteban Saldana, pà u Cullittivu Per a Salute in Piaghja Urientale.
