Interdiction de baignade au Ricanto d'Ajaccio
(A redazzioni d'Alta Frequenza) - Dopu à u gattivu tempu di a notti scorsa, ci hè stata una tagliatura di u currenti à u nivellu di una pompa ditta di "relevage" in Aiacciu ciò chì hà fattu chì l'acqua usata s'hè divirsata, nant'à a zona Tahiti è Ricantu. I travaghji nicissarii pà ristabiliscia l'affari sò stati rializati in furia da Kyrnolia chì hà nittatu dinò com'ellu ci voli i lochi vicini. Ma par securità, hè pruibitu di bagnà si è di piscà inde ssu settori, è què, fin'è un avisu di l'autorità. Da nutà chì prilevamenti d'acqua in mari sò stati fatti da i servizii di a cità è sarani fatti torna fin'è u ritornu à una situazioni nurmali pà apra torna a piaghja u più prestu pussibuli. I primi risultati sarani cunnisciuti ssa dumenicata.
Sur le même sujet
