Interdiction d’usage de l’eau non prioritaire et restriction d’arrosage en Plaine Orientale
(A redazzioni d'Alta Frequenza) - In un cumunicatu, a prifittura di Corsica Suprana faci sapè chì dopu à Calvi, Lumiu è Calinzana, un'interdizzioni di ghjuvassi di l'acqua pà adopri micca priuritarii è annacquà pà una durata di 30 ghjorni in a parti suttana di a piaghja urientali hè stata prununziata. Di fattu, in u tarritoriu sanu di i cumuni di Linguizzetta, Tallone, Pancheraccia, Ghjuncaghju, Antisanti, Aleria, Aghjone, Ghisunaccia, Prunelli di Fiumorbu, Serra di Fiumorbu, Vintisari, hè difesa di ghjuvassi di l'acqua à tutti l'ori pà puliscia i vitturi, rimorchi, battelli o tutti altri arnesi, o tandu s'è ss'uparazioni si facini inde stabilimenti cù sistemi chì parmettini d'ecunumizà l'acqua, empia i pissini privati pà a so famighja, annacquà i pratulini naturali, annacquà i tighjati, vii è tarrazzi, ch'elli sighini publichi o privati, ind'i porti, dissaliscia i battelli, annacquà i tarreni di golf. Annant'à ssi listessi cumuni, hè difesa dinò trà ottu ori di mani è ottu ori di sera d'annacquà i ghjardini, i pepinieri, i pratulini, i spazii verdi, i tarreni di sport, ch'elli sighini publichi o privati, annacquà, trà ondeci ori è quattru ori, i culturi pà l'animali. Annant'à ssi listessi cumuni, hè pruibita dinò à tutti l'ori di privelà l'acqua in u fiumi Fiumorbu pà adopri micca priuritarii, pocu impremi a manera di prilevà.
Sur le même sujet
