Intempéries : la situation en Corse-du-Sud
(A redazzioni d'Alta Frequenza) - A Corsica Suttana hè, rammintemula, piazzata sottu à prudenza arancia cuncirnendu u risicu d'acquati è d'inundazioni. Una sorti para pà a Corsica Suprana. Ind'u Nordu, numarosi intarvinzioni sò in corsu (veda altri brevi). Ind'u Meziornu, i rughjoni i più tocchi sò u Stremu Suttanu è l'Alta Rocca. Parechji casi sò privati d'elettricità in Purtivechju è Livia frà altru. Spinghjifochi è squadri d'EDF si movini da purtà aiutu à i pupulazioni. A circulazioni hè dinò disturbata nant'à certi stradi di u dipartimentu. Buli, in partenza è à a ghjunta da l'aeruportu d'Aiacciu, ghjunghjendu è partendu pà Parighji, Nizza o Marseghja, sò stati annulati, ind'a sirata, di pettu à u timpurali. A più grandi prudenza hè racumandata, soprattuttu chì l'acquati ani da cuntinuà duranti a nuttata (di sabbatu à dumenica). I servizii di succorsu cunsighjani di limità i spiazzamenti.
