Intempéries en Haute-Corse : un mort
(A redazzioni d'Alta Frequenza) - U gattivu tempu chì hà toccu a Corsica Suprana arimani (luni) hà fattu un mortu annant'à a cumuna d'Oletta. Versu mezanotti, abitanti di u lutissamentu vicinu à u Leclerc ani chjamatu i spignifochi dopu avè intesu calchissia chjamà à u succorsu. I servizi cumpetenti sò andati tandu sopralocu, mittendu in ballu in dispusitivu di ricerchi. Versu dui ori è mezu di mani, u cadavaru di a vittima, un omu di una cinquantina d'anni, hè statu ritrovu forsa purtatu da a piena di u fiumi vicinu. A so moglia hè dichjarata com'è sparita par avà; ùn era micca in casa soia in fatti quandu i gendarmi ci sò andati. I ricerchi cuntinueghjani.
Steti à senta à Hervé Duvermy, pà i spignifochi di Corsica Suprana.
Sur le même sujet
