Intempéries en Haute-Corse : l'heure est à l'accalmie et au bilan
(A redazzioni d'Alta Frequenza) - A Corsica hè ripassata in vigilenza gialla pà u risicu acquata è inundazioni. L'affari si calma dunqua dopu à l'episodiu di vigilenza rossa in Corsica Suprana è aranciu in Corsica Suttana arimani (ghjovi). Hè l'ora dinò di fà u bilanciu è di pinsà à i riparazioni. S'è a reta stradali tarrituriali pò essa praticata senza prublema, fora di un ingorgu à u nivellu d'Aleria, nant'à i stradi dipartimintali una vintina d'assi fermani torna tagliati. Ma stradi sviati sò stati missi in ballu par quissi. Cuncirnendu l'elettricità, 2000 casi sò sempri privi di currenti stamani, soprattuttu in Capicorsu (7000 à u mumentu u più forti di a crisa).
Ci ani da essa ricunniscenza appena dapartuttu in Corsica, com'ellu a ci dici Alexandre Sanz, u direttori di cabinettu di u prifettu di Corsica Suprana.
