Intempéries en Corse : dernier point actualisé
(A redazzioni d'Alta Frequenza) - A Corsica ferma in vigilenza arancia fin'è mezanotti. L'affari si sò dighjà calmati cuncirnendu u gattivu tempu. Pà ciò chì tocca i cunsiquenzi, a strada tarrituriali 10 hè tagliata solu in Aleria ; nant'à a strada tarrituriali 20, trà Vizzavona è Bucugnà, ci sò travaghji in corsu di cunsulidazioni d'una culmatura purtendu a strada dumandani interruzzioni tempurarii di circulazioni in alternenza o una tagliatura tutali pà un tempu limitatu ; a strada tarrituriali 40 hè torna sarrata à u nivellu di u ponti di Rena Bianca parchì u Rizzanesi sborda. I succorsi ani multiplicatu l'intarvinzioni, soprattuttu nant'à a piaghja urientali, cù evacuazioni di casi è missi in securità. Ancu di grazia, ùn c'hè nisun vittima. Infini in Corti, a reta d'acqua hè sarrata. Una distribuzioni di buttigli hè urganizata dipoi a fini di a ghjurnata in u COSEC. U ritornu à a nurmali hè privistu pà dumani matina.
Sur le même sujet
