Intempéries : circulation perturbée au Stilettu
(A redazzioni d'Alta Frequenza) - Cunsiquenzi di u gattivu tempu di ssa dumenicata, i ripali di u cantieru di l’alloghji di u Stilettu sò stati distabilizati. A strada trà u ghjiratoghju di Géant Casino è quillu di u Stilettu ùn hè più stabuli. A CAPA faci dunqua sapè à l’autumubilisti chì viaghjani in u sensu Bastia Aiacciu ch’elli devini passà pà a strada di Mezavia (RT 22) inveci di a Rocade (RD 31). A circulazioni in u sensu Aiacciu Bastia si faci nurmalamenti. Da un’antra banda, u dilavamenti di u ripali hà purtatu a canalisazioni d’acqua currenti. A situazioni hè turnata nurmali in a nuttata grazia à l’intarvinzioni di u dilegatariu Kyrnolia.
