Intelligence artificielle : entre défis et dangers, sa maîtrise est essentielle
Marcuri, u think tank Corsica Pruspittiva 2025 si hè attaccatu à u sughjettu beddu dilicatu di a intilligenza artificiali, ch’idda sichi à liveddu lla Corsica o di manera più glubali.
Prisenti sempri di più in i nosci viti, a intilligenza artificiali t’hà punti pusitivi è nigativi.
À liveddu di i so effetti pessimi, si pò cuntà u so usu in u quadru di i studii o di u travaddu, chì pò sbuccà à nantu à certi andamenti prublimatichi.
Sò numarosi sempri di più elevi o studianti, da u culleghju à l’università, à ghjuvà si, senza piattà si ni par certi, d’una intilligenza artificiali par scriva, ùn sichi chè in parti, i so coppii.
Senza mancu parlà di l’etica di a dimarchja, ci hè u pinseri più filusoficu di l’avvilimentu di a libartà di a scelta. Ghjuvà si d’una intilligenza artificiali senza misura pò purtà à ùn pinsà più da par sè, è à avvizzà si à iss’affari.
Malgradu quissa, hè vera ch’in lu mondu llu travaddu, aprudata com’iddu ci voli, masimu quand’iddi sò in quantità sprupusitata i dati à trattà, pò aiutà à veru senza riducia a impurtanza di l’umanu.
Steti à senta à Lucile Sassatelli, insignanti à l’università di Nizza.
A intilligenza artificiali pò ancu dà una pussibilità di sviluppu ecunomicu.
Di quissa, n’hà vulsutu dà a prova Jérôme Battistelli, capifila di Armada Studios.
A so sucità cuncipisci, gramazia à a intilligenza artificiali, duppii numerichi pà u sinemà è a tilivisioni. Par indittu, hà mudillizatu un duppiu di l’assemblea naziunali. Trà i so clienti famosi, ci sò Netflix, Apple è Disney.
Ghjuvà si di a intilligenza artificiali pà l’arti o a cultura hè calcosa chì a spissu impinsirisci è porta à critica. Ma à senta ad iddu, aprudata cù ghjudiziu, ùn hè l’IA a numica di l’arti è a cultura, hè a so alliata.
Steti à senta à Jérôme Battistelli.
Sur le même sujet
