Installation officielle du Conseil Permanent Corso-Sarde
(A redazzioni d'Alta Frequenza) - U Cunsighju Permanenti Corsu è Sardu hè statu stallatu di manera ufficiali vennari scorsu à l’Assemblea di Corsica in Aiacciu. Purtatu da i presidenti corsu è sardu Ghjuvan Guidu Talamoni è Gianfranco Ganau, hè u fruttu di parechji scontri dipoi a ghjunta à u puteri di i naziunalisti di dicembri scorsu. Una nova stituzioni pulitica, cumposta à parità d’eletti di i dui isuli (presidenti di i gruppi di i dui assemblei regiunali), pà crià una macroregioni mediterranea ricunnisciuta da l’Unioni Aurupea è raprisintata in Brussels, in a perspettiva di difenda un statutu di l’isuli di u Mediterraniu. I travaghji di ssu Cunsighju, chì devini essa missi in risaltu davanti à l’autorità cumunitarii, sò nant’à tematichi numarosi : a lingua, a cultura è u patrimoniu, a biodiversità è u sviluppu durevuli, l’Educazioni, a ghjuventù, u sport, a ricerca, l’innuvazioni, u sviluppu ecunomicu trasfruntalieru, i trasporti è dunqua a difesa di l’intaressi cumuni di i dui isuli di pettu à l’Unioni Aurupea.
Steti à senta à Ghjuvan Guidu Talamoni, u presidenti di l’Assemblea di Corsica.
Sur le même sujet
