Inscription de l'autonomie de la Corse dans la Constitution : le travail avance
(A redazzioni d'Alta Frequenza) - Seenza publica nova di l'Assemblea di Corsica ssu ghjovi, chì sarà didicata soprattuttu à l'evuluzioni statutaria è à u famosu articulu custituziunali. Nanzi à ssa sissioni, a Cumissioni pà l'evuluzioni statutaria di a Corsica s'hè adunita è a devi fà torna ssu marcuri pà cuntinuà i so travaghji nant'à u sughjettu. Ssu luni, u presidenti di l'Esecutivu, Gilles Simeoni, hà prisintatu à ssa listessa cumissioni un raportu, chì sarà asaminatu d'altrondi da l'Assemblea di Corsica ghjovi, nant'à a criazioni di un articulu spicificu, 72-5, pà scriva l'autunumia di a Corsica in a Custituzioni. Eccu a redazzioni pruposta : "A Corsica hè una cullittività tarrituriali cù un statutu particulari è l'autunumia. Ssu statutu teni contu di l'intaressi stessi di a Corsica inde a Republica, di pettu à a so insularità inde l'ambiu mediterraneu, à u so rilievu è à a so identità linguistica è culturali". Un articulu chì privedi frà altru u puteri di fà legi inde parechji duminii com'è u fundariu, a fiscalità, a lingua, a cultura o ancu u sviluppu ecunomicu è suciali. U travaghju di riflessioni hà da cuntinuà inghjiru ad altri pruposti dinò, pà sbuccà nant'à un accunsentu chì sighi u più largu pussibuli ma dinò pà custruiscia un cuntinutu à tempu à l'altezza di l'inghjochi è chì pudissi francà a tappa di u Cunsighju Custituziunali.
Steti à senta à Petru Antò Tomasi, u presidenti di a Cumissioni pà l'evuluzioni statutaria di a Corsica è presidenti di u gruppu Corsica Libera.
