Inondations quartier du Vazzio à Ajaccio : la colère gronde
(A redazzioni d'Alta Frequenza) - Si parla torna di u prublema di u « lavu » di u Vaziu, guasgi permanenti duranti l’inguernata è chì annarba di più in più l’abitanti di ssu quartieru di a cità d’Aiacciu. Dipoi più di vinti anni, i sfarenti cullittività, Camara di Cummerciu, dipartimentu di a Corsica Suttana è a Cità d’Aiacciu si rimandani a rispunsabilità è soprattuttu a missa in ballu di i mezi nicissarii pà fà piantà ssa situazioni. Ci voli à pricisà chì ssa zona « sposta di manera naturali à l’inundazioni » ùn hà mai fattu l’ughjettu di travaghji cunsiquenti pà pudè renda pà daveru ssi lochi in un statu currettu è què dipoi a criazioni di a zona industriali. Ssu vennari da mani, u Cullittivu di l’Abitanti, di l’Usadori è di i Prufiziunali di u quartieru di u Vaziu hà urganizatu una cunfarenza di stampa sopralocu pà dinunzià ssa situazioni ancu di più difficiuli dipoi u gattivu tempu di ss’ultimi ghjorni. U cullittivu voli essa ricivutu u più prestu pussibuli da u prifettu di Corsica, o tandu minaccia di bluccà à partasi di luni chì veni a cità.
Steti à senta a presidenti di u cullittivu, Sylvie Barbolosi.
Sur le même sujet
