Incidents devant le Palais de Justice de Bastia : deux hommes jugés le 26 juin prochain, le parquet dénonce un climat tendu
Ghjovi in Bastia, dui militanti naziunalisti, d’età 44 è 20 anni, duviani essa ghjudicati in cumparuzioni diretta, issendu suspittati d’avè missu dui cazzotta à dui pulizzieri, chì cusì si sò buschi dui è trè ghjorna d’intarruzzioni di travaddu.
Pà issi fatti successi marti, mentri un’accolta davanti à u tribunali di Bastia, l’avucati di i dui militanti ani fattu valè u so drittu à attimpà l’affari, chì sarà ghjudicatu u 26 di ghjunghju.
In tantu, i dui omini sò stati missi in libartà, cù un cuntrollu ghjudiziariu.
Steti à senta à Thierry Casolasco, à nomu di Sulidarità.
Arnaud Viornery, u prucuratori lla ripublica, hà dinunciatu un ambienti tesu dipoi marti, parlendu di minacci è intimidazioni via reti suciali contru à un ghjudici, mintuvatu ancu à nantu à una bandiretta sposta marti davanti à u tribunali.
Issi maneri di prutistà ùn si poni accità, dici Arnaud Viornery chì no’ stemu à senta.
