Incidents avant le meeting de Marine Le Pen à Ajaccio
(A redazzioni d'Alta Frequenza) - Incidenti impurtanti sò accaduti nanzi u meeting di Marine Le Pen in Aiacciu, pà a campagna prisidinziali. Una cinquantina di militanti contr'à u fascisimu s'hè adunita prima davanti u Palazzu di i Cungressi, cù un'intrata securizata da CRS. In furia, a tinsioni hè crisciuta, cù ovi lampati contr'à i forzi di l'ordini, cù una riposta daretu cù gaz lacrimogeni lampati. Nentru a sala induv'ellu ci devia essa u meeting, una decina di ghjovani militanti, fra i quali nazionalisti corsi, ani fattu cunnoscia a so uppusizioni contr'à ssa riunioni publica, cù i mughii "libertà" è "a Francia fora". Ghjovani militanti cacciati cù viulenza da a sala gazata, da induva i militanti frontisti sò stati ubligati à sorta. S'è a tinsioni hè soca rifalata, u dispusitivu pulizzeru ferma assai maiò. U meeting di Marine Le Pen si devi tena in una sala nova.
