Incendies : la Sécurité Civile se projette vers la saison à venir
(A ridazzioni d'Alta Frequenza) - Jacques Witkowski, u dirittori naziunali lla Sicurità Civili, era in Corsica a sittimana scursa, da renda umaghju à i vittimi di l’accidenti d’elicottaru Dragon, dui anni fà in Rutali. Issendu in Corsica, hà fattu una riunioni cù parichji eletti, è hà fattu u puntu lli dispusitivi pà i foca. A gran’nuvità, pà a staghjoni ch’entri, sarà a prisenza, colpu à colpu, à nantu à a basa di Sulinzara, d’un Dash 8 di nova ghjinirazioni. Sarà pruvatu issu matiriali novu chì di regula, da quì à trè anni, ci vurrà ch’iddi sichini rimpiazzati tutti i Tracker. Po’ ci sarà dinò un Canadair di riserva in pirmanenza in Aiacciu, chì ghjuvarà par casu ch’iddi sichini tocchi da una panna i dui ghjà pusiziunati in Corsica. Issu pusiziunamentu capu nanzi di l’avviò, chì costa 1,24 milliona d’auri à staghjoni, hè ghjustificatu da a so efficacità.
Stemu à senta à Jacques Witkowski
Sur le même sujet
