Incendies en Haute-Corse
(A redazzioni d'Alta Frequenza) - Dui fochi si sò dichjarati oghji (marti) in Corsica Suprana. U primu appena nanzi à un'ora, nant'à a cumuna di Sant'Andria di u Boziu, nant'à un settori particularmenti difficiuli d'accessu. Un ettari di vegetazioni hè statu distruttu. Mezi umani sò stati appughjati da mezi aerei à parechji chì ani agitu nant'à i lochi, cù Canadair, Tracker è elicotteri da lampà acqua. U focu hè oramai ammaistratu. Eppo versu trè ori è quartu, in u Viscuvatu, di modu più pricisu nant'à a strada di u paesi, un focu hà distruttu 1 500 m2 di piccula machja. Un Tracker è un camiò fochi di furesta sò stati mandati sopralocu.
Sur le même sujet
