Incendies en Haute-Corse
(A redazzioni d'Alta Frequenza) - Fochi in Corsica Suprana oghji (marti). L'avertimentu hè statu datu pà u primu versu 11 ori è 45 in Penta di Casinca, locu dittu San Pelegrinu. I spinghjifochi di Lucciana, Cervioni è Bastia sò stati mubilizati da ammaistrà u sinistru chì hà distruttu 3000 m2 di canni, ma dinò rochji di vitturi, battelli è caravani abandunnati. U focu hè statu ammaistratu in mità di dopu meziornu. Un sicondu focu, stavolta in Tralonca, in bor di strada. 8000 m2 di piccula machja è d'arbi sò stati calcinati, ma ancu di grazia l'intarvinzioni à lestra di i succorsi, hà parmissu di limità a sparghera di u sinistru un'ora è mezu dopu à u so principiu. I mezi mubilizati sopralocu viniani da Corti, Ponte à a Leccia è Venacu.
