Incendies en Corse: mobilisation de nouveaux renforts par le ministre de l'Intérieur
(A redazzioni d'Alta Frequenza) - Pà pudè sustena l'azzioni di i spignifochi di Corsica chì lottani dipoi arisera (marti) contr'à parechji fochi impurtanti, Bernard Cazeneuve, u ministru di l'Internu, faci sapè in un cumunicatu ch'ellu hà "dicisu di mubilizà rinforzi naziunali novi : 4 avviò chì lampani l'acqua sò sopralocu dipoi stamani è aiutani l'azzioni di i 4 altri (2 Canadair è 2 Tracker) è di l'elicotteru di a securità civili (Dragon 2B), dighjà prisenti in Corsica. À fiancu à i militari di l'UIISC di Corti, una quarantina di militari di a Securità civili spicializati ind'a lotta contr'à i fochi di furesti sò in traccia di ghjunghja ind'u nordu di l'isula, in avviò o in battellu. Da un'antra banda, u prifettu di zona urganizeghja in ssu mumentu u trasferimentu di parechji spignifochi di i SDIS di i dipartimenti di a parti suttana di a Francia. Altri uzzioni d'aiutu logisticu sò in traccia d'essa studiati infini. U ministru di l'Internu susteni di manera piena tutti i spignifochi vulintari, prufiziunali è i militari di a Securità civili chì sò mubilizati in ssu mumentu, à fiancu à i piloti di l'avviò chì lampani l'acqua".
