Incendies en Corse-du-Sud : plus de 200 hectares partent en fumée
(A redazzioni d'Alta Frequenza) - A Corsica Suttana tocca da i fiari ! Afà, Appiettu è Palleca arimani (marcuri) è Ocana ssu ghjovi versu 3 ori di mani : u focu hà dighjà distruttu più di 200 ettari dipoi ssu marcuri à meziornu. S'è trè fochi nant'à quattru sò cuntrullati, hè bè u sinistru di Palleca chì poni sempri un prublema, induva più d'una centina d'ettari di furesta di Larici hè stata brusgiata ; i Canadair agiscini dighjà dipoi u principiu di a matinata pà cuntinuà a lotta à fiancu à i spinghjifochi. S'ellu ùn c'hè micca statu torna dannu umanu, ancu di grazia, i cunsiquenzi nant'à l'ambienti sò bè quì par disgrazia. (ritrattu : SDIS 2A)
U puntu cumplettu in principiu di matinata cù Bruno Maestracci, u direttori di u Sirviziu dipartimintali d'incendiu è di succorsu di Corsica Suttana.
