Incendies de Sagone : Corsica Libera appelle à un rassemblement de soutien
Corsica Libara ni chjama à un’accolta à nantu à u portu di Sagona, duminica à 1 ora è quartu, da sustena à Christophe Versini.
« U muvimentu porta u so sustegnu à i vittimi di foca di sta notti in Sagona : dui piscadori è trè cumpagnii di viaghja à mari, trà i quali quidda di u nosciu amicu è militanti, Christophe Versini.
Issi fatti, criminali di sicuru, venini à allungà a lista di i prissioni è viulenzi ch’idda si pati a sucità corsa. Di quissi, ùn ci ni parani nè i beddi parolli, nè l’azzioni di u statu in u nosciu paesu. Ch’iddu ùn sichi ancu u cuntrariu...
Truvaremu da par no’, com’è sempri l’avemu fatta longu à a storia, i mezi di risista à issi forzi pessimi, è d’avvià un sviluppu chì s’arrembi à u rispettu llu travaddu è à u sirviziu resu à l’altru », dici Corsica Libara.
Sò stati fatti scrizzioni in Lupinu,à nantu à a pirmanenza lla lista « Un soffiu novu », purtata da Laurent Marcangeli.
Calchissia ci hà scrittu – trà altri cosi - « Un soffiu novu di BTP », parlendu ancu di u statu culuniali.
Via u so contu twitter, a lista hà publicatu issa riazzioni : "Tinimu à assicurà st’artisti lucali chì una scola di « Street Art » hè privista ind’è u prugrama, pà middurà a qualità d’issa criazioni nata di notti !"
Sur le même sujet
